نداء بوست -أخبار سورية- إسطنبول
بعد حملة اليوتيوبر الكويتي أبو فلة، وزع الشيف السوري الشهير “عمر” هدايا تتضمن ألبسة وقرطاسية وحقائب المدرسية على 800 طفل في سورية، دفع قيمتها من أرباح فيديوهات الطبخ على وسائل التواصل.
وكتب الشيف منشوراً أرفقه بالفيديو الموضح لعملية التوزيع أول أمس الأحد، قال فيه " توزيع أرباح فيديوهات الخير لشهري آب وأيلول تم بفضل الله، توزيع اللباس المدرسي والحقائب والقرطاسية من أفضل وأجود الأنواع لثمانمئة وخمسون طالب في سورية.. ألف مبروك يارب تتهنوا فيهم وشكراً من القلب لكل حدا ساهم بمشاهدة ومشاركة فيديوهات الخير، ولشركة رانا اللي جهزت ووصلت كل البضاعة للمحافظات، ولكل فريق الشيف عمر الموجود في سورية وتركيا وألمانيا وتعب كتير ليتم العمل على أفضل وجه.. الله يجزيكم ويجزينا ألف خير يارب.. وإن شاءالله مع بعض دائماً نقدر نساعد ونغير العالم للأفضل"
ولم يوضح عمر أسماء المناطق التي وزعت فيها المواد، وأكتفى بالرد على التعليقات المتسائلة عن أماكن التوزيع بالقول : "أي حدا بيكتب بهالصفحة كلمة النظام أو كلمة المحرر رح ينحظر من الصفحة، وهي مو صفحة أخبار وهاد عمل غير سياسي هاد عمل إنساني إذا بتعرفوا شو يعني إنساني، والتوزيع تم بمناطق المحرر والنظام على قولتكم أنا بعرف أنو اسمها سورية، بس هي كتبتلكم ياها بالمشرمحي مشان تفهموا.. هاد اسمه طفل لا اسمه نظام ولا اسمه محرر.. عشر سنين دمار ودم وخراب وماضل شي بهالبلد، ولسا لهلأ مافهمتوا أنو مالنا غير بعض وماحدا سائل عن هالشعب، لسا لهلأ ماتعلمنا نحب بعض ونرحم بعض مشان هيك وصلنا لهون ..حبوا بعض وخلي الله يرحمنا"
ويذكر أن الشيف من مواليد دمشق 1991، واسمه عمر أبو لبدة، وهو طباخ اشتهر بعبارته ” الله يباركله”، وبلقبه "أبوراتب"، وعمل في مطاعم سورية فترة من الزمن، قبل أن يسافر الي السودان عام 2012م، ويمكث فيها عامين، لينتقل بعدها إلي تركيا، ويستقر في مدينة إسطنبول، والتي بدأ منها رحلة الشهرة.